लुम्बिनी अञ्चल प्रहरी प्रमुख प्रहरी वरिष्ठ उपरीक्षक शेरबहादुर बस्नेतले तराईमा जारी आन्दोलनसँगै सीमाक्षेत्रमा तस्करी मौलाएको बताएका छन्।
सबैको ध्यान तराईको आन्दोलन र नाकाबन्दीतर्फ केन्द्रीत भईरहेको बेला सीमाक्षेत्रमा तस्करी बढेको बताए।
हालैमात्र लुम्बिनी अञ्चल प्रमुखको जिम्मेवारी सम्हालेका प्रहरी वरिष्ठ उपरीक्षक बस्नेतले बुटवलमा पत्रकारहरुसँग कुरा गर्दै खुला सीमाना र जारी आन्दोलनका कारण तस्करी नियन्त्रणमा समस्या भएको बताए।
लुम्बिनी अञ्चलमा आफ्नो बसाईको क्रममा जनतालाई शान्ति सुरक्षा प्रत्याभुती गराउनेसँगै तस्करी नियन्त्रण र लागूऔषध नियन्त्रणका अभियानलाई प्राथमिकता दिने बताए।
उर्जाशिल युवाहरु विदेश जाने क्रम बढेसँगै देशभित्रै रहेका युवाहरु पनि लागू औषधको दुर्व्यसनमा फसेको भन्दै यसको नियन्त्रणको लागि हरेक टोलटोलमा अभियान चलाउनुपर्ने बताए।
उनले हातमा लाठी र कानुनको सहयोगमा गरिने पुलिसिङले मात्र प्रहरी व्यवसायीक बन्न नसक्ने बताए। नागरिकको सहयोग भएन भने लाठी र कानुनको सहयोगले मात्र प्रहरी सफल हुन नसक्ने भन्दै आफुलाई सफल बनाउन प्रहरीले नागरिकको सहयोग लिनुपर्ने बताए।
जनताको अपेक्षा अनुसारको पुलिसिङ गर्न नसके प्रहरी असफल हुने भन्दै उनले जनताको अपेक्षा अनुसारको पुलिसिङको लागि जनताकै सहयोग लिनुपर्ने बताए।
‘जनताले प्रहरी राम्रो बनोस्, व्यवसायीक बनोस् भन्ने चाहेका छन् त्यसको लागि प्रहरीको क्षमता विकास र नागरिक प्रहरीको सम्बन्ध विकास आवश्यक छ,’ उनले भने।
जुन क्षेत्रमा प्रहरी र जनताको विचमा दुरी बढ्छ त्यस क्षेत्रमा प्रहरी प्रति धेरै गुनासो आउने गरेको उल्लेख गर्दै उनले जनता र प्रहरी भन्ने पि टु एस टु को सुत्र अनुसार आफुले काम गर्ने दावी गरे।
‘जुन ठाउंका नागरिक सचेत छन् त्यहांको प्रहरी पनि सचेत रहेको हुन्छ प्रहरी आफै सक्रिय बन्दैन प्रहरीलाई सक्रिय बनाउने काम पनि नागरिकको हो,’ उनको भनाई थियो।
Post a Comment